Al-A'la

  1. Home
  2. Translation
  3. Urdu: Fateh Muhammad Jalandhry
Change Language
Change Surah
Change Recitation

Urdu: Fateh Muhammad Jalandhry

 Play All
# Translation Ayah
1 (اے پیغمبر) اپنے پروردگار جلیل الشان کے نام کی تسبیح کرو سَبِّحِ اسْمَ رَبِّكَ الْأَعْلَى
2 جس نے (انسان کو) بنایا پھر (اس کے اعضاء کو) درست کیا الَّذِي خَلَقَ فَسَوَّى
3 اور جس نے (اس کا) اندازہ ٹہرایا (پھر اس کو) رستہ بتایا وَالَّذِي قَدَّرَ فَهَدَى
4 اور جس نے چارہ اگایا وَالَّذِي أَخْرَجَ الْمَرْعَى
5 پھر اس کو سیاہ رنگ کا کوڑا کر دیا فَجَعَلَهُ غُثَاء أَحْوَى
6 ہم تمہیں پڑھا دیں گے کہ تم فراموش نہ کرو گے سَنُقْرِؤُكَ فَلَا تَنسَى
7 مگر جو خدا چاہے۔ وہ کھلی بات کو بھی جانتا ہے اور چھپی کو بھی إِلَّا مَا شَاء اللَّهُ إِنَّهُ يَعْلَمُ الْجَهْرَ وَمَا يَخْفَى
8 ہم تم کو آسان طریقے کی توفیق دیں گے وَنُيَسِّرُكَ لِلْيُسْرَى
9 سو جہاں تک نصیحت (کے) نافع (ہونے کی امید) ہو نصیحت کرتے رہو فَذَكِّرْ إِن نَّفَعَتِ الذِّكْرَى
10 جو خوف رکھتا ہے وہ تو نصیحت پکڑے گا سَيَذَّكَّرُ مَن يَخْشَى
11 اور (بےخوف) بدبخت پہلو تہی کرے گا وَيَتَجَنَّبُهَا الْأَشْقَى
12 جو (قیامت کو) بڑی (تیز) آگ میں داخل ہو گا الَّذِي يَصْلَى النَّارَ الْكُبْرَى
13 پھر وہاں نہ مرے گا اور نہ جئے گا ثُمَّ لَا يَمُوتُ فِيهَا وَلَا يَحْيَى
14 بے شک وہ مراد کو پہنچ گیا جو پاک ہوا قَدْ أَفْلَحَ مَن تَزَكَّى
15 اور اپنے پروردگار کے نام کا ذکر کرتا رہا اور نماز پڑھتا رہا وَذَكَرَ اسْمَ رَبِّهِ فَصَلَّى
16 مگر تم لوگ تو دنیا کی زندگی کو اختیار کرتے ہو بَلْ تُؤْثِرُونَ الْحَيَاةَ الدُّنْيَا
17 حالانکہ آخرت بہت بہتر اور پائندہ تر ہے وَالْآخِرَةُ خَيْرٌ وَأَبْقَى
18 یہ بات پہلے صحیفوں میں (مرقوم) ہے إِنَّ هَذَا لَفِي الصُّحُفِ الْأُولَى
19 (یعنی) ابراہیم اور موسیٰ کے صحیفوں میں صُحُفِ إِبْرَاهِيمَ وَمُوسَى
Next Surah Al-Gashiya
;