Al-Waqi'a

  1. Home
  2. Translation
  3. Tatar: Yakub Ibn Nugman
Change Language
Change Surah
Change Recitation

Tatar: Yakub Ibn Nugman

 Play All
# Translation Ayah
1 Әгәр вакыйга булачак кыямәт хәле вакыйга булса, إِذَا وَقَعَتِ الْوَاقِعَةُ
2 ул кыямәтнең вакыйга булуын ялганлаучы була алмас. لَيْسَ لِوَقْعَتِهَا كَاذِبَةٌ
3 Ул кыямәт Дөньяда тәкәбберләнеп динсез яшәгән кешеләрне түбән төшерүче вә Аллаһудан куркып түбәнчелек белән тотып яшәгән хак мөэминнәрне бөек дәрәҗәгә күтәрүчедер. خَافِضَةٌ رَّافِعَةٌ
4 Әгәр җирне каты хәрәкәтләндерү илә хәрәкәтләндерсә, إِذَا رُجَّتِ الْأَرْضُ رَجًّا
5 вә таулар каты тетелү илә тетелсәләр وَبُسَّتِ الْجِبَالُ بَسًّا
6 алар чәчелгән тузан кеби булырлар. فَكَانَتْ هَبَاء مُّنبَثًّا
7 Вә сез өч төрле сыйныф булырсыз. وَكُنتُمْ أَزْوَاجًا ثَلَاثَةً
8 Бер сыйныф уң тараф кешеләредер, уң тараф кешеләренең җәннәтләрдә хәлләре ни хуш яхшыдыр. فَأَصْحَابُ الْمَيْمَنَةِ مَا أَصْحَابُ الْمَيْمَنَةِ
9 Вә икенче сыйныф сул тараф кешеләрдер, сул тараф кешеләрнең хәле җәһәннәмдә ни ямандыр. وَأَصْحَابُ الْمَشْأَمَةِ مَا أَصْحَابُ الْمَشْأَمَةِ
10 Дәхи бер сыйныф кешеләре яхшылыкта алга чыгучылардыр, ягъни Коръән белән гамәл кылып яхшылыкта һәрвакыт алда булырлар. وَالسَّابِقُونَ السَّابِقُونَ
11 Әнә шул кешеләр Аллаһуга якын вә хөрмәтле أُوْلَئِكَ الْمُقَرَّبُونَ
12 Алар нигъмәт белән тулган җәннәтләрдәдер. فِي جَنَّاتِ النَّعِيمِ
13 Ул Аллаһуга якын кешеләр әүвәлге кавемнәрдән бер җәмәгатьтер. ثُلَّةٌ مِّنَ الْأَوَّلِينَ
14 Дәхи соңгы кавемнәрдән аз гына бардыр. وَقَلِيلٌ مِّنَ الْآخِرِينَ
15 Алтын көмеш вә җәүһәр белән тукылган диваннарда. عَلَى سُرُرٍ مَّوْضُونَةٍ
16 Бер-берсенә каршы булыр ул диванга таянган хәлләрендә. مُتَّكِئِينَ عَلَيْهَا مُتَقَابِلِينَ
17 Алар тирәсендә хезмәт белән әйләнерләр мәңге яшь булгучы егетләр. يَطُوفُ عَلَيْهِمْ وِلْدَانٌ مُّخَلَّدُونَ
18 Тоткасыз кәсәләр вә борынлы комганнар һәм агып торган эчемлекләр тутырылган кәсәләр белән. بِأَكْوَابٍ وَأَبَارِيقَ وَكَأْسٍ مِّن مَّعِينٍ
19 Ул эчемлекләр эчүдән башлары һич авыртмас һәм исермәсләр. لَا يُصَدَّعُونَ عَنْهَا وَلَا يُنزِفُونَ
20 Вә алар тели торган җимешләр белән. وَفَاكِهَةٍ مِّمَّا يَتَخَيَّرُونَ
21 Вә аларның ашарга теләгәне кош итләре белән килерләр. وَلَحْمِ طَيْرٍ مِّمَّا يَشْتَهُونَ
22 Дәхи кара вә зур күзле кызлар белән бергә булырлар. وَحُورٌ عِينٌ
23 Ул кызлар тезелгән энҗе дәнәләре кебиләрдер. كَأَمْثَالِ اللُّؤْلُؤِ الْمَكْنُونِ
24 Бу нигъмәтләр кылган гамәлләренең җәзасыдыр. جَزَاء بِمَا كَانُوا يَعْمَلُونَ
25 Алар җәннәттә буш сүзләрне вә гөнаһлы сүзләрне ишетмәсләр. لَا يَسْمَعُونَ فِيهَا لَغْوًا وَلَا تَأْثِيمًا
26 Мәгәр сәлам бирешкән тавышны гына ишетерләр. إِلَّا قِيلًا سَلَامًا سَلَامًا
27 Инде уң тараф кешеләре – нинди яхшы уң тараф кешеләренең хәле. وَأَصْحَابُ الْيَمِينِ مَا أَصْحَابُ الْيَمِينِ
28 Чәнечкесез сәдер агачлары астында. فِي سِدْرٍ مَّخْضُودٍ
29 Вә җимешләре астан өскә хәтле тезелгән хуш исле банан агачлары арасында. وَطَلْحٍ مَّنضُودٍ
30 Вә даимән булучы күләгәдә. وَظِلٍّ مَّمْدُودٍ
31 Вә даимән һәр тарафка агып торучы суда. وَمَاء مَّسْكُوبٍ
32 Вә бик күп җимешләр эчендә. وَفَاكِهَةٍ كَثِيرَةٍ
33 Ул җимешләр киселмәсләр агачтан (бетмәсләр) вә җимешләре җәннәт кешеләре өчен һич тыелмаслар. لَّا مَقْطُوعَةٍ وَلَا مَمْنُوعَةٍ
34 Вә кабартылган йомшак түшәкләрдә булырлар. وَفُرُشٍ مَّرْفُوعَةٍ
35 Без аларның дөньядагы хатыннарын икенче итеп халык кылдык. إِنَّا أَنشَأْنَاهُنَّ إِنشَاء
36 Аларны яшь кызлар кылдык. فَجَعَلْنَاهُنَّ أَبْكَارًا
37 Ирләрен сөюче татлы сүзлеләрдер, барчасы да яшьләр, җәннәт кешеләре бар да утыз өч яшьтә булырлар. عُرُبًا أَتْرَابًا
38 Бу зекер ителгән нәрсәләр уң тараф кешеләре өчен хәзерләнде. لِّأَصْحَابِ الْيَمِينِ
39 Ул уң тараф кешеләре әүвәлге кавемнәрдән бер төркем җәмәгатьләрдер. ثُلَّةٌ مِّنَ الْأَوَّلِينَ
40 Вә соңгы кавемнәрдән бер төркем җәмәгатьтер. وَثُلَّةٌ مِّنَ الْآخِرِينَ
41 Вә сул тараф кешеләре, ул сул тарафларның хәле нинди яман, нинди авырдыр. وَأَصْحَابُ الشِّمَالِ مَا أَصْحَابُ الشِّمَالِ
42 Алар эссе җилдә вә кайнар суда. فِي سَمُومٍ وَحَمِيمٍ
43 Кара төннән булган күләгәдә. وَظِلٍّ مِّن يَحْمُومٍ
44 Ул күләгә салкынча түгел һәм файдалы да түгел. لَّا بَارِدٍ وَلَا كَرِيمٍ
45 Тәхкыйк алар дөньяда вакытта нигъмәт ияләре булып азган иделәр. إِنَّهُمْ كَانُوا قَبْلَ ذَلِكَ مُتْرَفِينَ
46 Вә алар олугъ гөнаһка, ягъни ширеккә даимчелек кыла иделәр. وَكَانُوا يُصِرُّونَ عَلَى الْحِنثِ الْعَظِيمِ
47 Дәхи әйтәләр иде: "Без әгәр үлеп сөяк булсак вә череп туфрак булсак, яңадан терелербезме. وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَئِنَّا لَمَبْعُوثُونَ
48 Дәхи безнең борынгы бабаларыбыз да терелеп кубарылырлармы? Бу эш була торган түгел", – дип. أَوَ آبَاؤُنَا الْأَوَّلُونَ
49 Әйт: "Әлбәттә, борынгылар да һәм ахыргы кешеләр дә. قُلْ إِنَّ الْأَوَّلِينَ وَالْآخِرِينَ
50 Барчалары да мәгълүм кыямәт көнендәге билгеләнгән урынга җыелырлар. لَمَجْمُوعُونَ إِلَى مِيقَاتِ يَوْمٍ مَّعْلُومٍ
51 Соңра сез азып адашучы ялганчы кешеләрсез. ثُمَّ إِنَّكُمْ أَيُّهَا الضَّالُّونَ الْمُكَذِّبُونَ
52 Әлбәттә, Заккум агачының ачы вә чәнечкеле җимешләрен ашаучысыз. لَآكِلُونَ مِن شَجَرٍ مِّن زَقُّومٍ
53 Шул ачы җимешләр илә карыннарыгызны тутыручысыз, فَمَالِؤُونَ مِنْهَا الْبُطُونَ
54 вә аның өстенә эчәрсез бик кайнар суны. فَشَارِبُونَ عَلَيْهِ مِنَ الْحَمِيمِ
55 Ул суны бик каты аңкыганлыктан комсызланып (сусаган дөяләр кебек) эчәрсез. فَشَارِبُونَ شُرْبَ الْهِيمِ
56 Бу ачы җимеш белән кайнар су кыямәт көнендәге аларның сыедыр. هَذَا نُزُلُهُمْ يَوْمَ الدِّينِ
57 Сезне Без халык кылдык, Безнең тергезеп хөкем итү эшебезне тәсъдыйк кылмассызмы ышанмассызмы? نَحْنُ خَلَقْنَاكُمْ فَلَوْلَا تُصَدِّقُونَ
58 Беләсезме хәбәр бирегез хатыннарыгызның бала ятагына салган суыгызны. أَفَرَأَيْتُم مَّا تُمْنُونَ
59 Кеше итеп халык кылучы сезме, әллә аларны халык кылучы Безме? أَأَنتُمْ تَخْلُقُونَهُ أَمْ نَحْنُ الْخَالِقُونَ
60 Без сезнең арагызда үлемне билгеләдек, вә Без гаҗизләнүче, аптыраучы түгелбез. نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ
61 Сезне һәлак итеп урыныгызга сездән яхшыракны алыштырырга, вә сезне үзегез белмәгән сурәтләргә алыштырырга гаҗиз түгелме. عَلَى أَن نُّبَدِّلَ أَمْثَالَكُمْ وَنُنشِئَكُمْ فِي مَا لَا تَعْلَمُونَ
62 Тәхкыйк сез әүвәлге халык ителүне беләсез бит, һич юктан халык кылдык, шуны уйлап фикерләп карасагызчы! وَلَقَدْ عَلِمْتُمُ النَّشْأَةَ الْأُولَى فَلَوْلَا تَذكَّرُونَ
63 Әгәр белсәгез чәчкән игеннәрегездән хәбәр бирегез! أَفَرَأَيْتُم مَّا تَحْرُثُونَ
64 Сезме аларны үстерәсез, әллә Безме үстерүче? أَأَنتُمْ تَزْرَعُونَهُ أَمْ نَحْنُ الزَّارِعُونَ
65 Әгәр теләсәк, ул игеннәрне коры кау яки башаксыз коры салам кылыр идек, ул вакытта бик каты кайгыручылардан булыр идегез. لَوْ نَشَاء لَجَعَلْنَاهُ حُطَامًا فَظَلْتُمْ تَفَكَّهُونَ
66 Вә: "Гөнаһыбыз сәбәпле җәзаланабыз, إِنَّا لَمُغْرَمُونَ
67 Бәлки моннан соң безгә Аллаһуның рәхмәте һич тә булмас инде", – дияр идегез. بَلْ نَحْنُ مَحْرُومُونَ
68 Әгәр белсәгез, эчә торган суларыгыздан хәбәр бирегез! أَفَرَأَيْتُمُ الْمَاء الَّذِي تَشْرَبُونَ
69 Ул суны болыттан сез иңдердегезме, әллә ул суны иңдерүче Безме? أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ
70 Әгәр Без теләсәк, ул суны эчәргә яраксыз итеп ачы кылыр идек, сез ни өчен шөкер итмисез? لَوْ نَشَاء جَعَلْنَاهُ أُجَاجًا فَلَوْلَا تَشْكُرُونَ
71 Әйә беләсезме, һәр көнне кабызып файдаланган уттан хәбәр бирегез! أَفَرَأَيْتُمُ النَّارَ الَّتِي تُورُونَ
72 Ул утның агачын сез ясадыгызмы, әллә Безме аны бар итүче? Ягъни Ґәрәбстанда үсеп торган яшел агачтан сугып ут чыгаралар. أَأَنتُمْ أَنشَأْتُمْ شَجَرَتَهَا أَمْ نَحْنُ الْمُنشِؤُونَ
73 Без ул утны халык кылдык ахирәт утын искә төшермәк өчен вә юлда йөрүчеләргә файдаланмак өчен. نَحْنُ جَعَلْنَاهَا تَذْكِرَةً وَمَتَاعًا لِّلْمُقْوِينَ
74 Олугъ булган Раббыңның исеме илә тәсбихләр әйт! فَسَبِّحْ بِاسْمِ رَبِّكَ الْعَظِيمِ
75 Йолдызларның иңгән яки баеган вакытлары илә ант итәмен. فَلَا أُقْسِمُ بِمَوَاقِعِ النُّجُومِ
76 Тәхкыйк ул ант бик олугъ анттыр, әгәр белсәгез. وَإِنَّهُ لَقَسَمٌ لَّوْ تَعْلَمُونَ عَظِيمٌ
77 Тәхкыйк Аллаһудан вәхий ителгән нәрсә хөрмәтле Коръәндер. إِنَّهُ لَقُرْآنٌ كَرِيمٌ
78 Ул Коръән Ләүхүл Мәхфуздагы китапта сакланмыштыр. فِي كِتَابٍ مَّكْنُونٍ
79 Ул Коръәнне пакь булмаган кеше тотмас, мәгәр тәһарәтле пакь кеше генә тотар. لَّا يَمَسُّهُ إِلَّا الْمُطَهَّرُونَ
80 Барча галәмнәрне тәрбияләүче Аллаһудан иңдерелмештер. تَنزِيلٌ مِّن رَّبِّ الْعَالَمِينَ
81 Әйә сез ошбу Коръән белән гамәл кылудан ялкауланасызмы, андагы Аллаһ хөкемнәрен җиңелгә саныйсызмы? أَفَبِهَذَا الْحَدِيثِ أَنتُم مُّدْهِنُونَ
82 Тәхкыйк Коръәнне ялганга тотуыгызны үзегезгә өлеш кыласыз. Ягъни һәр нигъмәтне Аллаһудан дип белмисез, бәлки тәбигатьтән һәм үзебездән дисез. وَتَجْعَلُونَ رِزْقَكُمْ أَنَّكُمْ تُكَذِّبُونَ
83 Әгәр үлемгә хәзерләнгән кешенең җаны бугазына җитсә, فَلَوْلَا إِذَا بَلَغَتِ الْحُلْقُومَ
84 сез шул вакытта аңа карап сорарсыз. وَأَنتُمْ حِينَئِذٍ تَنظُرُونَ
85 Ул кешенең хәлен белү өчен сезгә караганда Без белем вә кодрәтебез белән аңа якынракбыз, ләкин ул кешегә килгән хәлне сез белмисез һәм күрмисез. وَنَحْنُ أَقْرَبُ إِلَيْهِ مِنكُمْ وَلَكِن لَّا تُبْصِرُونَ
86 Әгәр Безнең хозурыбызда хөкем ителми торган булсагыз, ягъни кешенең үлеме Аллаһудан түгел, үләбез дә бетәбез дисәгез. فَلَوْلَا إِن كُنتُمْ غَيْرَ مَدِينِينَ
87 Ул кешене үлемнән коткарып дөньяда яшәү өчен кире кайтарыгыз, әгәр Аллаһудан башка эш кыла алабыз дигән сүзегез дөрес булса! تَرْجِعُونَهَا إِن كُنتُمْ صَادِقِينَ
88 Әгәр ул үлгән кеше Аллаһуга якын кешеләрдән булса, فَأَمَّا إِن كَانَ مِنَ الْمُقَرَّبِينَ
89 аңар рәхәтлек вә хуш исле гөлләр арасында яхшы нигъмәтләр вә нәґим җәннәтедер. فَرَوْحٌ وَرَيْحَانٌ وَجَنَّةُ نَعِيمٍ
90 Әмма уң тараф кешесе булса. وَأَمَّا إِن كَانَ مِنَ أَصْحَابِ الْيَمِينِ
91 Сиңа җәннәттәге уң тараф юлдашыңнан сәламдер. فَسَلَامٌ لَّكَ مِنْ أَصْحَابِ الْيَمِينِ
92 Әгәр ул үлгән кеше Коръәнне вә пәйгамбәрне ялган диюче адашкан кеше булса, وَأَمَّا إِن كَانَ مِنَ الْمُكَذِّبِينَ الضَّالِّينَ
93 аның сые җәһәннәмнең кайнар суыннандыр. فَنُزُلٌ مِّنْ حَمِيمٍ
94 Вә җәһәннәм утының яндыруыдыр. وَتَصْلِيَةُ جَحِيمٍ
95 Тәхкыйк бу зекер ителгән нәрсәләр якын булган хактыр. إِنَّ هَذَا لَهُوَ حَقُّ الْيَقِينِ
96 Олугъ булган Раббыңның исемен мактап тәсбих әйт! فَسَبِّحْ بِاسْمِ رَبِّكَ الْعَظِيمِ
Next Surah Al-Hadid
;