Adh-Dhuha

  1. Home
  2. Translation
  3. Tatar: Yakub Ibn Nugman
Change Language
Change Surah
Change Recitation

Tatar: Yakub Ibn Nugman

 Play All
# Translation Ayah
1 Төшкә хәтле булган вакыт белән ант" итәм. وَالضُّحَى
2 Вә төн белән ант итәм, һәркайчан ул төн караңгылыгы белән һәрнәрсәне капласа. وَاللَّيْلِ إِذَا سَجَى
3 Ий Мухәммәд г-м, Раббың сине ташламады һәм сиңа ачуланмады да. (Яһүдләр беркөнне Мухәммәд г-мнән Зүл карнәен вә асъхаб каһәф хәбәрен һәм рух рәвешене сорадылар. Мухәммәд г-м аларга: "Иртәгә җавап бирермен", диде, ләкин, Аллаһ теләсә димәде. Шуннан соң вәхий киселде, берничә вакытлар Җәбраил фәрештә иңмәде. Шул вакытта мөшрикләр: "Мухәммәдне Раббысы ташлады һәм аңа ачуланды", – диделәр. Бу сүрә шул хакта инде.) مَا وَدَّعَكَ رَبُّكَ وَمَا قَلَى
4 Сиңа, әлбәттә, ахирәт дөньядан хәерлерәкдер. (Ягъни Аллаһ сине патша кылмады һәм сине миллиардер да кылмады, чөнки болар һәммәсе бетә торган нәрсәләр. Бәлки сиңа Раббың дәрәҗәсе мәңгегә кала торган пәйгамбәрлекне бирде.) وَلَلْآخِرَةُ خَيْرٌ لَّكَ مِنَ الْأُولَى
5 Вә тиздән сиңа Раббың өмет иткәнеңне һәм сораганыңны бирер дә, син Аның биргәненнән разый булырсың. وَلَسَوْفَ يُعْطِيكَ رَبُّكَ فَتَرْضَى
6 Әйә Раббың сине ятим хәлендә табып тәрбия урынын насыйп итмәдеме? (Атасы белән бертуган кардәше Әбү Талиб тәрбияләп үстерде.) أَلَمْ يَجِدْكَ يَتِيمًا فَآوَى
7 Дәхи Раббың сине пәйгамбәр булганчы хак диннән адашучы табып, аннары туры юлга күндерде түгелме? وَوَجَدَكَ ضَالًّا فَهَدَى
8 Дәхи Раббың сине бик фәкыйрь табып, аннары сине бай кылды түгелме? وَوَجَدَكَ عَائِلًا فَأَغْنَى
9 Башта үзең ятим булгач, ятимгә золым итмә, какма, сукма – бәлки хөрмәтлә. فَأَمَّا الْيَتِيمَ فَلَا تَقْهَرْ
10 Һәм синнән сораучыга каты мөгамәлә кылма, ни сораса да җавап бир һәм теләген үтә. وَأَمَّا السَّائِلَ فَلَا تَنْهَرْ
11 Һәм Раббыңның нигъмәте булган шәригать хөкемнәрен кешеләргә өйрәт һәм сөйләп төшендер! Чөнки шәригатьне белмәгән кешеләр Аллаһуның ґәзабына ашыгалар. Ә син аларны җәннәткә кызыктыр һәм чакыр! وَأَمَّا بِنِعْمَةِ رَبِّكَ فَحَدِّثْ
Next Surah Al-Sharh
;