An-Nazi'at

  1. Home
  2. Translation
  3. Uyghur: Muhammad Saleh
Change Language
Change Surah
Change Recitation

Uyghur: Muhammad Saleh

 Play All
# Translation Ayah
1 (كۇففارلارنىڭ جانلىرىنى) قاتتىق تارتىپ ئالغۇچى پەرىشتىلەر بىلەن قەسەمكى، وَالنَّازِعَاتِ غَرْقًا
2 (مۆمىنلەرنىڭ جانلىرىنى) سىلىق ئالغۇچى پەرىشتىلەر بىلەن قەسەمكى، وَالنَّاشِطَاتِ نَشْطًا
3 (اﷲ نىڭ ئەمرىنى ئاسماندىن) تېز ئېلىپ چۈشكۈچى پەرىشتىلەر بىلەن قەسەمكى، وَالسَّابِحَاتِ سَبْحًا
4 (مۆمىنلەرنىڭ جانلىرىنى ئېلىپ جەننەتكە) ئىلگىرلىگۈچى پەرىشتىلەر بىلەن قەسەمكى، فَالسَّابِقَاتِ سَبْقًا
5 (اﷲ نىڭ ئەمرى بىلەن) كائىناتنىڭ ئىشلىرىنى باشقۇرغۇچى پەرىشتىلەر بىلەن قەسەمكى، (سىلەر چوقۇم تىرىلدۈرۈلىسىلەر، سىلەردىن چوقۇم ھېساب ئېلىنىدۇ) فَالْمُدَبِّرَاتِ أَمْرًا
6 بۇ كۈن (يەنى قىيامەت كۈنى) دە زېمىن (ۋە ئۇنىڭدىكى شەيئىلەر قوشۇلۇپ) تەۋرەيدۇ يَوْمَ تَرْجُفُ الرَّاجِفَةُ
7 ئۇنىڭ ئارقىسىدىنلا ئاسمان (ۋە ئۇنىڭدىكى شەيئىلەر قوشۇلۇپ) تەۋرەيدۇ تَتْبَعُهَا الرَّادِفَةُ
8 بۇ كۈندە دىللارنى (يەنى كۇففارلارنىڭ دىللىرىنى) قورقۇنچ باسىدۇ قُلُوبٌ يَوْمَئِذٍ وَاجِفَةٌ
9 شۇ (دىللارنىڭ ئىگىلىرىنىڭ) كۆزلىرى (قورقۇنچتىن) تىكىلىپ قارىيالمايدۇ أَبْصَارُهَا خَاشِعَةٌ
10 ئۇلار ئېيتىدۇ: «راستلا بىز ئاۋۋالقى ھالىمىزغا قايتۇرۇلامدۇق؟ (يەنى ئۆلگەندىن كېيىن تىرىلەمدۇق؟) يَقُولُونَ أَئِنَّا لَمَرْدُودُونَ فِي الْحَافِرَةِ
11 ئۇ بىزنىڭ چىرىگەن سۆڭەك بولۇپ قالغان ۋاقتىمىز ئەمەسمۇ؟» أَئِذَا كُنَّا عِظَامًا نَّخِرَةً
12 ئۇلار ئېيتتى: «ئۇنداق بولىدىغان بولسا، بۇ (يەنى ئۆلگەندىن كېيىن تىرىلىش) زىيانلىق قايتىشتۇر (يەنى بىز ئۆلگەندىن كېيىن تىرىلىدىغان بولساق، دوزاخ ئەھلى بولغانلىقىمىز ئۈچۈن زىيان تارتقۇچىلارمىز)» قَالُوا تِلْكَ إِذًا كَرَّةٌ خَاسِرَةٌ
13 بىر سەيھە (يەنى ئىسراپىلنىڭ سۇر چېلىشى) بىلەنلا ئۇلار (يەنى جىمى خالايىق) (يەر ئاستىدىن) زېمىننىڭ ئۈستىگە چىقىپ قالىدۇ فَإِنَّمَا هِيَ زَجْرَةٌ وَاحِدَةٌ
14 بىر سەيھە (يەنى ئىسراپىلنىڭ سۇر چېلىشى) بىلەنلا ئۇلار (يەنى جىمى خالايىق) (يەر ئاستىدىن) زېمىننىڭ ئۈستىگە چىقىپ قالىدۇ فَإِذَا هُم بِالسَّاهِرَةِ
15 ساڭا مۇسانىڭ خەۋىرى كەلدىمۇ؟ هَلْ أتَاكَ حَدِيثُ مُوسَى
16 ئۆز ۋاقتىدا ئۇنى پەرۋەردىگارى تۇۋا ناملىق مۇقەددەس ۋادىدا (مۇنداق دەپ) چاقىردى: إِذْ نَادَاهُ رَبُّهُ بِالْوَادِ الْمُقَدَّسِ طُوًى
17 «سەن پىرئەۋننىڭ قېشىغا بارغىن، ئۇ ھەقىقەتەن ھەددىدىن ئاشتى اذْهَبْ إِلَى فِرْعَوْنَ إِنَّهُ طَغَى
18 ئۇنىڭغا: (كۇفرىدىن ۋە گۇناھلاردىن) پاك بولۇشنى خالامسەن فَقُلْ هَل لَّكَ إِلَى أَن تَزَكَّى
19 سېنى پەرۋەردىگارىمنى تونۇشقا يېتەكلىشىمنى خالامسەن؟ (ئۇنى تونۇساڭ پەرۋەردىگارىڭدىن) قورقىسەن - دە، (ياخشى ئەمەللەرنى قىلىسەن)، دېگىن» وَأَهْدِيَكَ إِلَى رَبِّكَ فَتَخْشَى
20 مۇسا پىرئەۋنگە چوڭ مۆجىزىنى كۆرسەتتى فَأَرَاهُ الْآيَةَ الْكُبْرَى
21 پىرئەۋن (اﷲ نىڭ پەيغەمبىرى مۇسانى) ئىنكار قىلدى ۋە (اﷲ نىڭ ئەمرىگە) ئاسىيلىق قىلدى فَكَذَّبَ وَعَصَى
22 ئاندىن پىرئەۋن (مۇسادىن) يۈز ئۆرۈپ (ھىيلە - مىكىر ئىشلىتىشكە) كىرىشتى ثُمَّ أَدْبَرَ يَسْعَى
23 (ئۇ سېھرىگەرلەرنى، ئەسكەرلىرىنى، تەۋەلىرىنى) توپلىدى ھەم نىدا قىلىپ فَحَشَرَ فَنَادَى
24 دېدى: «مەن سىلەرنىڭ بۈيۈك پەرۋەردىگارىڭلار بولىمەن» فَقَالَ أَنَا رَبُّكُمُ الْأَعْلَى
25 اﷲ ئۇنى دۇنيا ۋە ئاخىرەتنىڭ ئازابى بىلەن جازالىدى فَأَخَذَهُ اللَّهُ نَكَالَ الْآخِرَةِ وَالْأُولَى
26 شەك - شۈبھىسىزكى، اﷲ تىن قورقىدىغانلار بۇنىڭدىن ئىبرەت ئالىدۇ إِنَّ فِي ذَلِكَ لَعِبْرَةً لِّمَن يَخْشَى
27 سىلەرنى يارىتىش مۈشكۈلمۇ؟ ياكى ئاسماننى يارىتىش مۈشكۈلمۇ؟ اﷲ ئاسماننى ياراتتى أَأَنتُمْ أَشَدُّ خَلْقًا أَمِ السَّمَاء بَنَاهَا
28 ئۇنىڭ ئېگىزلىكىنى يۈكسەك قىلدى ۋە كەم - كۈتىسىز قىلدى رَفَعَ سَمْكَهَا فَسَوَّاهَا
29 ئۇنىڭ كېچىسىنى قاپقاراڭغۇ، كۈندۈزىنى يوپيورۇق قىلدى وَأَغْطَشَ لَيْلَهَا وَأَخْرَجَ ضُحَاهَا
30 شۇنىڭدىن كېيىن زېمىننى (ئەھلى زېمىننىڭ تۇرۇشىغا لايىق قىلىپ) يايدى وَالْأَرْضَ بَعْدَ ذَلِكَ دَحَاهَا
31 زېمىندىن بۇلاقلارنى ئاقتۇردى، ئۆسۈملۈكلەرنى ئۆستۈردى أَخْرَجَ مِنْهَا مَاءهَا وَمَرْعَاهَا
32 تاغلارنى (زېمىندا) مۇقىم قىلدى وَالْجِبَالَ أَرْسَاهَا
33 اﷲ تائالا ئۇلارنىڭ ھەممىسىنى سىلەرنىڭ ۋە ھايۋانلىرىڭلارنىڭ پايدىلىنىشى ئۈچۈن (ياراتتى) مَتَاعًا لَّكُمْ وَلِأَنْعَامِكُمْ
34 قىيامەت كەلگەندە، فَإِذَا جَاءتِ الطَّامَّةُ الْكُبْرَى
35 (شۇ) كۈندە ئىنسان (ياخشى - يامان) قىلمىشلىرىنى ئەسلەيدۇ يَوْمَ يَتَذَكَّرُ الْإِنسَانُ مَا سَعَى
36 قارىغۇچىلارغا جەھەننەم ئوچۇق كۆرسىتىلىدۇ وَبُرِّزَتِ الْجَحِيمُ لِمَن يَرَى
37 كىمكى (كۇفرىدا، گۇناھتا) چېكىدىن ئاشىدىكەن، فَأَمَّا مَن طَغَى
38 دۇنيا تىرىكچىلىكىنى (ئاخىرەتتىن) ئارتۇق كۆرىدىكەن، وَآثَرَ الْحَيَاةَ الدُّنْيَا
39 ئۇنىڭ جايى ھەقىقەتەن جەھەننەم بولىدۇ فَإِنَّ الْجَحِيمَ هِيَ الْمَأْوَى
40 پەرۋەردىگارىنىڭ ئالدىدا (سوراققا تارتىلىشتىن) قورقىدىغان، ئۆزىنى نەپسى خاھىشىغا بېرىلىشتىن (يەنى ھارام قىلىنغان نەرسىلەردىن) چەكلىگەن ئادەمگە كەلسەك، وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى
41 ھەقىقەتەن ئۇنىڭ جايى جەننەت بولىدۇ فَإِنَّ الْجَنَّةَ هِيَ الْمَأْوَى
42 ئۇلار سەندىن قىيامەتنىڭ قاچان بولىدىغانلىقىنى سورايدۇ يَسْأَلُونَكَ عَنِ السَّاعَةِ أَيَّانَ مُرْسَاهَا
43 سەن ئۇنى قانداقمۇ بايان قىلىپ بېرەلەيسەن؟ فِيمَ أَنتَ مِن ذِكْرَاهَا
44 ئۇنى بىلىش پەرۋەردىگارىڭغا خاستۇر إِلَى رَبِّكَ مُنتَهَاهَا
45 سېنىڭ ۋەزىپەڭ پەقەت قىيامەتتىن قورقىدىغان ئادەمنى ئاگاھلاندۇرۇشتۇر إِنَّمَا أَنتَ مُنذِرُ مَن يَخْشَاهَا
46 ئۇلار قىيامەتنى كۆرگەن كۈندە، گويا ئۆزلىرىنى (دۇنيادا) پەقەت بىر كەچقۇرۇن ياكى بىر ئەتىگەن تۇرغاندەك (گۇمان قىلىدۇ) كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا
Next Surah Abasa
;